Stjörnufræðiverkefni nemenda í Ásgarðsskóla - Sköpun, reikningur og rannsóknir

Stjörnufræðiverkefni sem unnið var í Ásgarsskóla, skóla í skýjunum vakt mikla lukku og sköpunargleði meðal nemenda. Verkefnið, sem byggðist á námsmarkmiðum tengdum náttúrugreinum, stærðfræði, lykilhæfni, upplýsinga-og tæknimennt og íslensku, ásamt skapandi hugsun, var að stórum hluta nemendastýrt. Nemendur fengu áskorun um að skipuleggja eigin kennslustund, vinna áhugaverð verkefni og kynna afrakstur sinn fyrir bekkjarfélögum.

Hugmyndir og lærdómur

Meðal verkefna sem nemendur unnu var hönnun eigin sólkerfis á mismunandi formum. Sum teiknuðu sína eigin stjörnu, reikistjörnur og tungl, með ítarlegum skýringum á eiginleikum þeirra. Önnur völdu að skapa líkön úr pappamassa eða stafrænni hönnun í Minecraft, Canva og Scratch. Nokkrir nemendur einbeittu sér að ítarlegri rannsóknum og reikningi, þar sem fjarlægðir milli reikistjarna voru reiknaðar og samanburður gerður á þyngdarafli og hitastigi mismunandi hnatta.

Nemendur lærðu mikið um t.d. árstíðir, þyngd og aldur á mismunandi plánetum og möndulhalla. Öll gátu fundið eitthvað við sitt hæfi hvort sem það tengdist listum, raungreinum, ritun, samræðum eða samvinnu.  

Einn nemandi var sérstaklega hugmyndaríkur og teiknaði mynd af Vetrarbrautinni aftan á símahulstrið sitt – sem segir margt um áhuga og ástríðu sem verkefnið kveikti.

Frábær afrakstur

Lokaafurðin var ekki aðeins einstök hönnun sólkerfa heldur einnig áhugaaukning og betri skilningur á efninu. Nemendur kynntu verk sín með myndum, skýringum og útreikningum, sem leiddi til skemmtilegra umræðna um lífvænleika utan jarðar, áhrif þyngdarafls og eðlisfræði himintungla.

Ein áhugaverð umræða sem kom uppí ferlinu snerist um það hvað gæti unnið svarthol og hvort eitthvað gæti eytt þeim. Í þessari umræðu lærðu nemendur af samnemanda sínum að fyrirbærið quasars er knúið áfram af svartholum og getur jafnvel eytt heilum sólkerfum – svartholum meðtöldum. Þessi nýja uppgötvun vakti mikla undrun og áhuga hjá nemendum og leiddi til enn frekari spurninga um eðli og krafta alheimsins.

Verkefnið var frábært dæmi um þverfaglega námsaðferð, þar sem samspil sköpunar, reiknings og rannsókna skapaði dýnamískt námsumhverfi. Frábær upplifun fyrir nemendur og kennara og við mælum svo sannarlega með.

Handbók fyrir stjörnufræðiverkefni á unglingastigi

Hér má sjá nokkrar afurðir nemenda:












Comments

Post a Comment

Popular posts from this blog

Innritun í Ásgarðsskóla fyrir skólaárið 2025–2026 er hafin!

Image
  Það er okkur sönn ánægja að tilkynna að innritun í Ásgarðsskóla fyrir skólaárið 2025–2026 er nú hafin ! Í tilefni af því munum við halda opinn kynningarfund á Zoom þann 1. apríl kl. 12:00 , þar sem við kynnum skólastarfið, áherslur Ásgarðsskóla og svörum spurningum frá áhugasömum gestum. 💛 Öll eru hjartanlega velkomin! 📅 Zoom-fundurinn fer fram: 1. apríl kl. 12:00 🔗 Tengill á fundinn: Smelltu hér til að taka þátt 📥 Hægt er að skrá sig á fundinn hér: 👉 Skráning á kynningarfund 📆 Ef þú vilt bæta fundinum við Google dagatalið þitt , þá getur þú gert það hér: 👉 Bæta við dagatal Við hvetjum öll þau sem hafa áhuga á skólastarfinu að mæta – hvort sem þið eruð að skoða skólann í fyrsta sinn eða viljið fræðast betur um starfið sem fram undan er. Við hlökkum til að sjá sem flest og deila með ykkur okkar einstaka skólastarfi! 🌱 Hlekkur á auglýsingu
Read more

Sjávarútvegsþema sem sló í gegn - Gestagangur og kynningar nemenda

Image
Það er skemmst frá því að segja að sjávarútvegsþemað hreinlega sló í gegn með nemendum! Síðustu sex vikur hafa krakkarnir í skólanum unnið að því að kynna sér sjávarútveg í fortíð, nútíð og framtíð. Sérfræðingurinn, sjómaðurinn, útgerðamaðurinn, uppfinningamaðurinn og þarafrumkvöðulinn Hafþór Jónson heimsótti nemendur í skólann og sagði frá og svaraði spurningum. Auðvitað komu tengsl fljótt í ljós og einn afinn í hópnum er samstarfsaðili Hafþórs  Nemendurnir unnu ýmist einir eða í hópum, völdu sér viðfangsefni til að kynna sér og lærðu í leiðinni að taka viðtal, nota heimildir og vinna frá uppkasti til afurðar. Krakkarnir áttu líka að gera líkan af viðfangsefninu sem þau ákváðu að kynna sér. Í dag kynntu þau verkefnin sín og sýndu líkönin. Kynningarnar voru ótrúlega fjölbreyttar, fræðandi og skemmtilegar. Hér er listinn af verkefnunum og myndir sem fylgja.  Dagur í lífi vélstjóra og líkan af skipi og íverustöðum sjómannanna.  Ítarleg lýsing á eðli og uppbyggingu kóralrifa...
Read more

Skólastarf í skýjunum er ekki hrist fram úr erminni eins og einföld skúffukaka! Opið bréf til kjörinna fulltrúa skóla- og frístundasviðs

Image
Í átta ár hefur skólastarf í Ásgarðsskóla - skóla í skýjunum verið í þróun. Árangurinn hefur verið frábær og vitnisburðir barna og aðstandenda þeirra einstaklega jákvæðir. Nú hefur Reykjavíkurborg einhliða og án nokkurs samráðs við Ásgarðsskóla ákveðið að beita sér gegn því að úrræðið fái að nýtas t fleirum börnum í Reykjavík og hyggjast setja á fót sitt eigið. Að þróa vel heppnaðan skóla á netinu er ekki kökugerð sem gripin er með forskrift sem fæst í tilbúnum, ódýrum pakka sem hægt er að grípa uppi á hillu. Vel heppnaður fjarskóli fyrir börn, sem kerfin okkar hafa brugðist eða búa við flókinn vanda, verður til á löngum tíma, með færustu sérfræðingum og hópi fólks sem brennur fyrir nýsköpun og hefur eldmóð og þor til þess að hugsa út fyrir kassann.  Ásgarðsskóli - skóli í skýjunum hefur verið í þróun sl. átta ár. Fyrstu nemendurnir voru nemendur í mjög fámennum skólum um landið og nemendur sem af fjölbreyttum ástæðum þurftu að stunda nám heima. Við einsettum okkur að átta okkur á ...
Read more