Ný spennandi spönn framundan!

 Ný spennandi spönn framundan 

Feb 25, 2025

Tíminn er fljótur að líða og enn og aftur er ný 6 vikna spönn framundan. Það er smávægileg breyting á skóladagatalinu en við ætlum að hafa nemendastýrðu viðtölin 9. apríl svo að viðtölin fari ekki inn í Dymbilvikuna þar sem mörg taka frí þá. Annars er dagskrá næstu spannar eftirarandi og verkefnin ekki síður spennandi!

Dagskrá næstu spannar

  • 27. febrúar - Skólastjórakaffi (12:00 - 12:30)
  • 4. mars - Hádegisfræðsla
    • Sissa skólasálfræðingur með fyrirlesturinn: Að setja mörk
  • 10. mars - Starfsdagur og frí í skólanum
  • 13. mars - Mín framtíð
    • Hrönn starfs- og námsráðgjafi hittir nemendur í 9. og 10. bekk í anddyri Laugardalshallar. Mín framtíð er Framhaldsskólakynning og Íslandsmót iðn- og verkgreina sem haldin er annað hvert ár. 
  • 18. mars - Skólaráðsfundur
  • 26. mars - Skólaþing - Nemendur og fullorðnafólkið velkomið!
    • Áhersla á námsvísi skólaársins 25-2628. mars - Skólastjórakaffi (12:00 - 12:30)
  • 4. apríl - Starfsdagur og frí í skólanum
  • 7. apríl - Hádegisfræðsla
    • Hrönn starfs- og námsráðgjafi fer yfir val á framhaldsskólum
  • 9. apríl - Viðtalsdagur
  • 14. apríl - Dymbilvika byrjar

Verkefnin framundan

Spegill sögunnar

Nemendur velja sér frjálst sögulegan atburð sem hefur haft áhrif á mannkynssöguna. Þeir munu lesa fræðandi og vísindalega texta til að afla sér upplýsinga og skoða atburðinn út frá sjónarhorni lýðræðis og mannréttinda. Ferlið endar á því að nemendur vinna saman að gerð sameiginlegrar bókar þar sem þau miðla niðurstöðum sínum á skapandi hátt. Verkefnið endar á kynningu sem forráðafólki verður boðið á!

Ritun og bókmenntir
  • Dagleg ritun: Nemendur skrifa reglulega til að þjálfa hugmyndaflug og ritfærni.
  • Sannfærandi textar: Áhersla er lögð á rökstuðning og sannfærandi skrif.
  • Ritdómur: Nemendur lesa bækur og skrifa gagnrýna umfjöllun um þær.

Bókaklúbbur: Nemendur vinna í hópum að umræðum og úrvinnslu bóka

Stærðfræði og náttúruvísindi

Nemendur munu taka þátt í spennandi samþættu verkefni þar sem þeir munu rannsaka, hanna og smíða sínar eigin vindmyllur. Þeir munu læra hvernig vindorka virkar, nota stærðfræði til að reikna flatarmál, hlutföll og afl vindmyllu og beita þessari þekkingu í eigin hönnun. Verkefnið býður upp á val um að smíða handgert líkan eða hanna það stafrænt í tölvu, þar sem nemendur fylgja skýru ferli frá hugmynd til lokaafurðar. Að lokum munu þeir kynna verkefnið sitt, útskýra hönnunina og fá endurgjöf. Með þessu þróa nemendur bæði vísindalegan skilning, sköpunargáfu og verkfræðilega hugsun!



Comments

Post a Comment

Popular posts from this blog

Innritun í Ásgarðsskóla fyrir skólaárið 2025–2026 er hafin!

Image
  Það er okkur sönn ánægja að tilkynna að innritun í Ásgarðsskóla fyrir skólaárið 2025–2026 er nú hafin ! Í tilefni af því munum við halda opinn kynningarfund á Zoom þann 1. apríl kl. 12:00 , þar sem við kynnum skólastarfið, áherslur Ásgarðsskóla og svörum spurningum frá áhugasömum gestum. 💛 Öll eru hjartanlega velkomin! 📅 Zoom-fundurinn fer fram: 1. apríl kl. 12:00 🔗 Tengill á fundinn: Smelltu hér til að taka þátt 📥 Hægt er að skrá sig á fundinn hér: 👉 Skráning á kynningarfund 📆 Ef þú vilt bæta fundinum við Google dagatalið þitt , þá getur þú gert það hér: 👉 Bæta við dagatal Við hvetjum öll þau sem hafa áhuga á skólastarfinu að mæta – hvort sem þið eruð að skoða skólann í fyrsta sinn eða viljið fræðast betur um starfið sem fram undan er. Við hlökkum til að sjá sem flest og deila með ykkur okkar einstaka skólastarfi! 🌱 Hlekkur á auglýsingu
Read more

Sjávarútvegsþema sem sló í gegn - Gestagangur og kynningar nemenda

Image
Það er skemmst frá því að segja að sjávarútvegsþemað hreinlega sló í gegn með nemendum! Síðustu sex vikur hafa krakkarnir í skólanum unnið að því að kynna sér sjávarútveg í fortíð, nútíð og framtíð. Sérfræðingurinn, sjómaðurinn, útgerðamaðurinn, uppfinningamaðurinn og þarafrumkvöðulinn Hafþór Jónson heimsótti nemendur í skólann og sagði frá og svaraði spurningum. Auðvitað komu tengsl fljótt í ljós og einn afinn í hópnum er samstarfsaðili Hafþórs  Nemendurnir unnu ýmist einir eða í hópum, völdu sér viðfangsefni til að kynna sér og lærðu í leiðinni að taka viðtal, nota heimildir og vinna frá uppkasti til afurðar. Krakkarnir áttu líka að gera líkan af viðfangsefninu sem þau ákváðu að kynna sér. Í dag kynntu þau verkefnin sín og sýndu líkönin. Kynningarnar voru ótrúlega fjölbreyttar, fræðandi og skemmtilegar. Hér er listinn af verkefnunum og myndir sem fylgja.  Dagur í lífi vélstjóra og líkan af skipi og íverustöðum sjómannanna.  Ítarleg lýsing á eðli og uppbyggingu kóralrifa...
Read more

Skólastarf í skýjunum er ekki hrist fram úr erminni eins og einföld skúffukaka! Opið bréf til kjörinna fulltrúa skóla- og frístundasviðs

Image
Í átta ár hefur skólastarf í Ásgarðsskóla - skóla í skýjunum verið í þróun. Árangurinn hefur verið frábær og vitnisburðir barna og aðstandenda þeirra einstaklega jákvæðir. Nú hefur Reykjavíkurborg einhliða og án nokkurs samráðs við Ásgarðsskóla ákveðið að beita sér gegn því að úrræðið fái að nýtas t fleirum börnum í Reykjavík og hyggjast setja á fót sitt eigið. Að þróa vel heppnaðan skóla á netinu er ekki kökugerð sem gripin er með forskrift sem fæst í tilbúnum, ódýrum pakka sem hægt er að grípa uppi á hillu. Vel heppnaður fjarskóli fyrir börn, sem kerfin okkar hafa brugðist eða búa við flókinn vanda, verður til á löngum tíma, með færustu sérfræðingum og hópi fólks sem brennur fyrir nýsköpun og hefur eldmóð og þor til þess að hugsa út fyrir kassann.  Ásgarðsskóli - skóli í skýjunum hefur verið í þróun sl. átta ár. Fyrstu nemendurnir voru nemendur í mjög fámennum skólum um landið og nemendur sem af fjölbreyttum ástæðum þurftu að stunda nám heima. Við einsettum okkur að átta okkur á ...
Read more