Gleðilegt nýtt ár

Nú er skólastarfið hafið á ný og vonandi ríkir mikil eftirvænting eftir því sem koma skal. Nemendur eru komnir vel af stað í sinni vinnu og eru að leggja lokahönd á heimsreisuverkefnin sín, auk þess að vinna í bókaklúbbi og ljóðaverkefnum, svo fátt eitt sé nefnt.

Nemendur eru að hefja undirbúning fyrir nemendastýrð viðtöl sem fram fara í næstu viku. Lesfimin er á sínum stað í janúar og byrja þau 15. janúar og stefnt er á að allir nemendur verði búnir að taka hana fyrir lok mánaðar. 

Valgreinaskólinn hófst í dag og gátu nemendur valið á milli eftirfarandi greina:

  • Stærðfræðigrunnur

  • Árbókargerð

  • Skák

  • Dungeons & Dragons

Því miður náðist ekki að fylla í hóp fyrir Erasmus-verkefnið að þessu sinni.


Viðburðir á næstunni:

  • 10. janúar kl. 13:00 - Kynning nemenda á heimsreisuverkefnum

  • 15. janúar - Nemendastýrð viðtöl

  • 20. janúar kl 12:00 - Hádegisfræðsla fyrir nemendur og foreldra um andlegar áskoranir, seiglu og bjargráð fyrir ungmenni.
    *Athugið: Nemendur eru í skólanum í hádeginu en skóladegi lýkur kl. 13:00

  • 21. janúar kl. 12:00 - Fullorðinsnámskeið fyrir forsjáraðila nýrra nemenda

  • 31. janúar kl. 8:30 - Skólastjórakaffi fullorðinna

Comments

Post a Comment

Popular posts from this blog

Innritun í Ásgarðsskóla fyrir skólaárið 2025–2026 er hafin!

Image
  Það er okkur sönn ánægja að tilkynna að innritun í Ásgarðsskóla fyrir skólaárið 2025–2026 er nú hafin ! Í tilefni af því munum við halda opinn kynningarfund á Zoom þann 1. apríl kl. 12:00 , þar sem við kynnum skólastarfið, áherslur Ásgarðsskóla og svörum spurningum frá áhugasömum gestum. 💛 Öll eru hjartanlega velkomin! 📅 Zoom-fundurinn fer fram: 1. apríl kl. 12:00 🔗 Tengill á fundinn: Smelltu hér til að taka þátt 📥 Hægt er að skrá sig á fundinn hér: 👉 Skráning á kynningarfund 📆 Ef þú vilt bæta fundinum við Google dagatalið þitt , þá getur þú gert það hér: 👉 Bæta við dagatal Við hvetjum öll þau sem hafa áhuga á skólastarfinu að mæta – hvort sem þið eruð að skoða skólann í fyrsta sinn eða viljið fræðast betur um starfið sem fram undan er. Við hlökkum til að sjá sem flest og deila með ykkur okkar einstaka skólastarfi! 🌱 Hlekkur á auglýsingu
Read more

Sjávarútvegsþema sem sló í gegn - Gestagangur og kynningar nemenda

Image
Það er skemmst frá því að segja að sjávarútvegsþemað hreinlega sló í gegn með nemendum! Síðustu sex vikur hafa krakkarnir í skólanum unnið að því að kynna sér sjávarútveg í fortíð, nútíð og framtíð. Sérfræðingurinn, sjómaðurinn, útgerðamaðurinn, uppfinningamaðurinn og þarafrumkvöðulinn Hafþór Jónson heimsótti nemendur í skólann og sagði frá og svaraði spurningum. Auðvitað komu tengsl fljótt í ljós og einn afinn í hópnum er samstarfsaðili Hafþórs  Nemendurnir unnu ýmist einir eða í hópum, völdu sér viðfangsefni til að kynna sér og lærðu í leiðinni að taka viðtal, nota heimildir og vinna frá uppkasti til afurðar. Krakkarnir áttu líka að gera líkan af viðfangsefninu sem þau ákváðu að kynna sér. Í dag kynntu þau verkefnin sín og sýndu líkönin. Kynningarnar voru ótrúlega fjölbreyttar, fræðandi og skemmtilegar. Hér er listinn af verkefnunum og myndir sem fylgja.  Dagur í lífi vélstjóra og líkan af skipi og íverustöðum sjómannanna.  Ítarleg lýsing á eðli og uppbyggingu kóralrifa...
Read more

Skólastarf í skýjunum er ekki hrist fram úr erminni eins og einföld skúffukaka! Opið bréf til kjörinna fulltrúa skóla- og frístundasviðs

Image
Í átta ár hefur skólastarf í Ásgarðsskóla - skóla í skýjunum verið í þróun. Árangurinn hefur verið frábær og vitnisburðir barna og aðstandenda þeirra einstaklega jákvæðir. Nú hefur Reykjavíkurborg einhliða og án nokkurs samráðs við Ásgarðsskóla ákveðið að beita sér gegn því að úrræðið fái að nýtas t fleirum börnum í Reykjavík og hyggjast setja á fót sitt eigið. Að þróa vel heppnaðan skóla á netinu er ekki kökugerð sem gripin er með forskrift sem fæst í tilbúnum, ódýrum pakka sem hægt er að grípa uppi á hillu. Vel heppnaður fjarskóli fyrir börn, sem kerfin okkar hafa brugðist eða búa við flókinn vanda, verður til á löngum tíma, með færustu sérfræðingum og hópi fólks sem brennur fyrir nýsköpun og hefur eldmóð og þor til þess að hugsa út fyrir kassann.  Ásgarðsskóli - skóli í skýjunum hefur verið í þróun sl. átta ár. Fyrstu nemendurnir voru nemendur í mjög fámennum skólum um landið og nemendur sem af fjölbreyttum ástæðum þurftu að stunda nám heima. Við einsettum okkur að átta okkur á ...
Read more